校園設備

啱啱嚟到科大報到，第一時間當然係熟習下科大嘅周圍環境、了解科大有咩設施啦，咁等我地為你遊科大，介紹一下啦！

1. 青蛙路

連接北閘同廣場既小徑，由北閘入Atrium既必經之路。

2. 火雞

火雞係科大獨有嘅紅色日晷，係科大嘅地標，因為佢嘅外型成隻火雞咁，所以科大人會叫佢做火雞。火雞係大時大節都會成為大家"集郵"必嚟嘅景點，例如spring sem最後一日上課天，又或者係畢業禮前後 ^.^

3. 紀念品中心 Souvenir Centre

由火雞右手邊望過去就會見到架啦，呢度可以買到科大唔同嘅紀念品 (例如係有科大logo嘅T-shirt, 背包, 又或者熊仔等等)。呢度亦可以增值科大卡(洗衫, 開hall嘅冷氣用)，免去科大卡增值機彈銀紙嘅麻煩~

4. 香港賽馬會大樓Atrium

Atrium, 亦叫香港賽馬會大樓，科大人每日都會經過嘅地方。好多表演、頒獎禮、畢業禮都會係呢度舉行，場面好熱鬧架! Welcoming Fair當日你地就會見到好多societies嘅學會幹事係度擺counter，promote自己嘅OCamp@@ 當日我地都會擺counter，記得嚟去報我地MATHS OCamp la~~

5. 大學書店

由火雞左手邊望過去就會見到商務印書館，呢間就係我地嘅大學書局啦。我地科大人開sem之後就會嚟呢度買書，出示學生證仲會有折添~

6. 曾肇添展藝廳 Art Hall

位於Starbucks入面，會定期舉行音樂會、樂器演奏、講座、展覧等等，開左Fall Sem之後同學們亦要嚟呢度續學生八達通。

7. 診所 & 牙醫診所

由火雞左手邊望過去最盡果度嘅東亞銀行隔離Lift4落LG1，就會見到有診所同埋牙醫診所。只要交低學生證，就可以睇醫生。

通常第一年入嚟讀嘅同學仔都會有免費檢查優惠，大家要密切留意Email啊~

8. 何善衡體育館 S. H. Ho Sports Hall

科大嘅室內運動場館，Art Hall 隔離係有入口架，亦都可以係Atrium嘅左邊樓梯落去，平時鍾意做運動嘅你可以約Friend book場打波啦~ 係考試期間(Final Exam Period)，Sports Hall 會轉成考試場地，俾多人嘅course係度考試。

9. Mega Hair

係啊，你冇睇錯啊，科大有得剪頭髮架~

Sports Hall後面就係啦，學生剪髮只係要78蚊啫~ 但記得Book左先去喎~

10. 李兆基圖書館

科大人比較鍾意叫佢做「拉把」(Library)。科大嘅圖書館一共有5層，平時同學等上堂想消磨時間、睇書、預習、温書、甚至睇報紙都可以過嚟架，仲可以睇到無敵大海景添(心心眼！但臨近考試嘅時候大家想揾個位坐就要一早嚟到，因為呢度會迫爆人架...

11. 蘑菇

蘑菇，又叫做Mushroom，係Atrium後面嘅Area。由於佢望落去十足十舊蘑菇嘅窿，所以科大人都會叫佢做蘑菇。呢度望落去可以見到靚靚嘅風景架，呢度仲有個傳聞添 :0 究竟係咩? 就要嚟我地MATHS OCamp 先知啦!!

12. Chevalier Learning Commons (LC)

位於LG1 Canteen 對面，大家可以由Atrium搭一條扶手電梯向左行就到啦，呢度同圖書館相連嘅，同學仔平時可以Book房約同學仔一齊嚟呢邊溫書或者傾Project。呢度Fall Sem同Spring Sem期間會24小時開放俾同學仔温下書，平日都會好多人架!

13. Amenities Serviece Counter (ASC)

呢度位於LG3，呢度係處理大部分有關Facilities booking嘅事項，同埋當同學reg完locker就要嚟呢邊開鎖。

呢度亦有一部自助影相機，如果同學你冇證件相嘅話就可以嚟呢邊影。

14. Gym Room (LG4 / Hall 9)

科大有兩間Gym Room，可以俾同學去鍛鍊下身體。

一間就係LG4嘅。

另一個就係Hall 9下面。

15. Students' Union Co-op Shop

科大人鍾意叫佢做Co-op Shop，係LG5 麥當勞隔離嘅，入面售賣唔同種類嘅文具、簿同埋電腦產品，如果同學係科大學生會會員，係入面買野果時出示番學生證可以有九折優惠!

16. LG5 Print Shop

呢度係LG5 麥當勞後面，裡面放左幾部影印、打印機同釘裝機俾同學使用。黑白影印每面$0.2(A4)同$0.5(A3)，彩印就每面$1.8(A4)同$2.7(A3)，比起圖書館同Barn嘅平。

開放時間：每日0900-2100

職員辦公時間：周一至周四1000-1900; 周五1000-1800

17. 百佳

百佳位於LG7，由Lift 10 - 12搭到最低就係，買野嘅時候出示番科大卡就可以有97折優惠。科大百佳依家擴建緊，九月嘅時候大家就可以見到一個更大嘅百佳啦!

18. 天一泉

天一泉位於LG7 Canteen對出草地嘅噴泉，住hall嘅同學仔經LG7去上堂都會見到。佢嘅特別之處就係永遠無人估到佢幾時會噴水! 每逢假日都會有小朋友係度玩架! 呢度有個好惡怖嘅傳聞，個個聽完都會心跳加速... 行路不斷向後望... 究竟呢度發生左咩事呢? 等我地賣個關子，到時玩OCamp你地就會知~

19. 智慧石

智慧石位於Bridge Link (連接橋) 中間，係一舊四四方方嘅石塊，有時上面會放左hall/socieities嘅大dec，傳聞你如果可以一野跳過左佢，就可以過三爆四入Dean List，失敗左嘅... 就會爛GPA, 甚至quit U。點解好地地，呢度會多左舊石，又有咁恐怖嘅詛咒，究竟呢條路... 發生左咩事呢...?

20. Student Housing and Residential Life Office (SHRLO)