Reg 科篇

科大出晒名爛Grade，點解叫爛Grade呢? 點先可以唔爛Grade呢? 等我地呢班係科大成功生存左一年嘅ExCo話你知一d袐訣，等你唔好中伏啦~

咁科大大班嘅Course(>=300人)係有限幾多人攞A、B、C、D同F，但大多數科大嘅Course就會Mean=C左右~ 所以科大人話科大爛Grade唔係無道理架~

咁同學們入左School of Science之後，Year 1 Spring Sem完先可以揀Major架! 咁Year 1全年做咩啊? 就係讀下School Requirement同埋University Common Core。

首先講下School Requirement啦，School of Science係要求學生係大學四年內要讀7個Science Lecture，再加一個Lab。

1. MATH Course

科大都好重視同學們係數理嘅發展，所以要求所有Year 1學生都要讀至少一個MATH Course。

• MATH1012 Calculus 1A

如果同學係DSE無take M1/2，就可以讀。主要係讀下基本嘅Calculus，例如Limits,Continuity, Differentiation等等。同學記得一定要上tutorial啊，professor通常會教得好快，tutorial嘅TA可以教番你上堂唔明嘅地方，仲會俾Exercise你做。

B. MATH1013 Calculus 1B

如果同學係DSE有take M1/2，而且係Lv 3或以上，就要take呢個course啦。主要係讀下Limits, Continuity, derivates等等。M2嘅同學仔嚟講呢個course係算易嘅，好多都同M2嘅syllabus重覆左。但都唔好走堂啊，唔係教左新野都唔知啦。

C. MATH1023 Honors Calculus 1

如果同學係DSE M1/2攞到5或以上，又想Challenge下自己嘅，就可以讀呢科。呢科好著重reasoning、要學proof，而且相對上功課量都多好多。

D. MATH1014 Calculus 2

呢個Course係要讀左MATH1012/MATH1013/MATH1023先讀得，由Integration 開始教起，會教埋M2 cut左syllabus嘅volume by shell method，仲會教length of courve, area of solid, partial fraction同sequences and series。呢個course教嘅野都幾豐富，所以如果大家pick-up唔到就要即刻揾professor/TA問到清楚為止~ 近年改左制，所有1字頭嘅MATH Course都係absolute grading，所以呢個course都叫爛grade，大部分人都拎C range。唔想拎C range? 唯有努力d溫書同做past paper啦~

• PHYS Course
• PHYS1112 General Physics 1 with Calculus

呢個Course係比DSE M1/2拎Lv 3或以上同埋DSE Physics拎3或以上(Combined Science都可以)嘅人讀。呢個course係指定要買新書嘅，因為本書會有個code，用嚟做online 功課，而呢個course workload都好多，個Online功課係每星期都要做嘅。

呢個course主要係學mechanics，比起DSE嘅Mechanics會深入好多。如果本身phy底好嘅人嚟講，呢個course係幾好grade架。

1. PHYS1114 General Physics 2

呢個course係PHYS1112嘅進階版，主要係教E&M嘅，會要用到2字頭Maths Course嘅野(Multivariable calculus)，所以比起PHYS1112，呢個係好難明同難掌握。如果脵學PHYS1112已經唔係好聽得明，就千其唔好reg~ 唔係會讀得好辛苦。

• CHEM Course
• CHEM1004 Chemistry in Everyday Life

呢個course係俾d DSE 無take CHEM嘅人讀嘅，drop左Chem嘅人絕對有好處，而對於冇讀過chem嘅同學仔嚟講都會吃力少少，比較多野背嘅，而且對於冇讀過chem嘅人嚟講d chemical equations 係幾相似嘅。如果係Jason教的話，上課唔怕悶，會有好多實驗上堂睇，仲會播片，同埋好熱心解答問題，好nice。成個course只需做canvas online quiz，project同埋final，workload一d都唔大。Grade嚟講算唔錯，mean就有B，但個mean推到好高，所以要小心D。

1. CHEM1010 General Chemistry 1A

呢個Course係俾DSE Chem Lv3以下，或者讀combine嘅同學仔。同CHEM1020無咩大分別，讀嘅內容都一樣，只係呢個Course計3 credits, CHEM1020計2 credits。

1. CHEM1020 General Chemistry 1B

呢個Course係要DSE攞到lv3或以上先讀得，DSE take combine science嘅同學仔就要讀CHEM1010。

呢個Course其實算易，即使無上過堂都可以catch-up到，主要講下orbital quantum mechanics，係偏向Physics少少嘅，之後就會講番d基本野，講番enthalpy。有做過past paper的話，考試相當輕鬆，只係d mc嘅選揀有點多，concept夠清就OK~

建議係Fall Sem讀，Spring Sem個professor嘅grade無咁手鬆。

• LIFS Course
• LIFS1901 General Biology I

呢個course係俾未ake過DSE Bio嘅人讀嘅，主要係教d基本bio knowledge，例如 basic characteristics of life, respiration, photosynthesis, genetics, biotechnology等等。呢個course係要take IPRS (上堂即時答問題)，計10%嘅，所以如果唔好走堂會好D~ 呢個course係會分2個professor教，一個係midterm前，一個midterm後。每個sem都唔同combination嘅，但overall嚟講Fall Sem會好grade d。

5. Other Common Core Courses

• CHEM1002 Introduction to Chemistry of Cosmetics

呢個course以往都只會係Summer開，regular sem唔會開geh~ 咁呢個course係講到明即使冇chem底都可以讀。咁其實有冇chem底真係無所謂，因為佢carry好少chemical knowledge，只會教下 "like dissolve like"、 "electronegativity"、 "atoms"等等嘅basic knowledge，但唔會教+考到好深入。同埋佢會教好多chemical嘅名，考試嘅時候要認得出就ok。個course主要教skin-care comestics、make-up cosmetics (eg. lipcolour, ...)、hair-care cosmetics (eg. hair gel, 電髮, 染髮), anto-oxidants, sunscreen等等。Workload方面唔重，有一個final, 一個midterm, 兩份assignment。above mean 1個sd就有A-，絕對讀得過。

1. SOSC1440 Introduction to Economics

呢個course係俾science同engine仲有gcs同學仔讀嘅course，係讀番中學Econ野再多少少fina嘅野，算叫做科大入面最簡單嘅Econ course。即使中學無econ底都handle到，但呢個course最大workload就係assignment就要一星期做一份，但有交就會俾滿分你。Midterm同final只要有温過書都會識答大部分嘅題目，但題目嘅字比較多，而且好多情景題，churchur地啦~ Grade都叫靚，交晒assign而且midterm final有mean都有B- ~ 但唯一唔好嘅係讀完呢個course係唔可以讀大部分嘅Econ course，如果同學仔想要繼續讀Econ嘅話又或者想讀MAEC的話就千其唔好讀啦。

1. SOSC1840 Government, Law and Society in China

呢個course係會讀中國嘅legal system、社會運動、仲有唔同政府之間嘅關係。呢個Course勝在背晒notes上面嘅就可以去考試，如果背野叻嘅同學嚟講可以一試。佢呢個course會有3個pop-up quizzes，通常professor會早一堂兩堂暗示將會有pop-up quiz嘅，quiz考嘅野都幾簡單嘅，只要睇過下佢啱啱教完果課就可以考，quiz就大概一個月一次左右。

派Grade方面，呢個course都算好grade嘅，低mean少少都有B range~